BƏƏ-də ruslar və ukraynalılar gizli görüşdülər – MƏXFİ DANIŞIQLARIN DETALLARI…
Ötən həftə Rusiya və Ukraynanın nümayəndələri Birləşmiş Ərəb Əmirliklərində görüşərək, əsirlərin mübadiləsi ilə bağlı müzakirə aparıblar.
Qafqaz.media xəbər verir ki, bu barədə üç mənbəyə istinadən “Reuters” yazır.
Danışıqlar BƏƏ-nin vasitəçiliyi ilə aparılıb və təşkilatın əvvəlki taxıl danışıqlarında mərkəzi roluna baxmayaraq, BMT-nin iştirak etmədiyini bildiriblər.
İclasda qlobal böhranın qarşısının alınması istiqamətində də müzakirələr aparılıb.
Mənbələrin bildirdiyinə görə, Rusiya və Ukrayna nümayəndələri noyabrın 17-də BƏƏ-nin paytaxtı Əbu-Dabidə görüşüblər və orada bir çox Ukrayna və Rusiya hərbçilərinin azad edilməsini nəzərdə tutan hərbi əsir mübadiləsinə cavab olaraq Rusiyanın ammonyak ixracını bərpa etmək qabiliyyətini müzakirə ediblər. Danışıqların nəticələri açıqlanmayıb.
Ukraynanın Türkiyədəki səfiri Vasili Bodnar təsdiqləyib ki, “Ukraynalı hərbi əsirlərin azad edilməsi Rusiya ammonyakının ixracının açılmasına dair danışıqların bir hissəsidir”.
Qafqaz.media
