Fransa Ukraynaya silah tədarükünü dayandırır – NAZİR AÇIQLAMA VERDİ

Fransa Ukraynaya hərbi dəstək formatını dəyişərək, birbaşa silah tədarükündən Ukrayna tərəfinin fransız istehsalçılarından silah alışının maliyyələşdirilməsinə keçəcək.

Bu barədə Fransanın Silahlı Qüvvələr naziri Sebastyan Lekornu LCI telekanalının efirində bildirib.

O bəyan edib ki, Kiyevə növbəti silah tədarükü yeni haubitsaların və digər texnikanın alınması üçün nəzərdə tutulmuş xüsusi yaradılmış fond vasitəsilə həyata keçiriləcək.

“Biz indi ukraynalı həmkarlarımızla danışıqlar aparırıq ki, Ukraynanı xüsusi fondun vəsaitlərindən istifadə edərək yeni haubitsalar almağa məcbur edək və beləliklə, fransız hərbçiləri artıq öz arsenallarından silah ötürməsinlər”, - Lekornu LCI TV-də deyib.

Onun sözlərinə görə, Fransa artıq Ukraynaya 3 milyard avro dəyərində hərbi yardım edib və silah alınması üçün əlavə 200 milyon avro ayırıb. Bu vəsaitlər Kiyev tərəfindən sırf fransız silahlarının alınması üçün istifadə oluna bilər.

Nazir həmçinin bildirib ki, əsas diqqət hava hücumundan müdafiə və quru qoşunlarının, o cümlədən artilleriya və nəqliyyat vasitələrinin təchizatına yönəldiləcək. Lekornu əlavə edib ki, “Sezar” özüyeriyən haubitsalarının istehsalı artırılıb və ümumilikdə 49 belə silah artıq Ukraynaya verilib: 30-u Fransadan, 19-u Danimarkadan.