Suriyadan daha 16 vətəndaşımız Azərbaycana qaytarılıb

24 noyabr 2022-ci il tarixində Suriya ərazisində yerləşən düşərgələrdə saxlanılan 16 vətəndaşımız Azərbaycana qaytarılıb.

Qafqaz.media xəbər verir ki, onların arasında 13 uşaq və 3 qadın var.

İraq və Suriyadan olan Azərbaycan vətəndaşlarının repatriasiyasına cavabdeh olan aidiyyəti dövlət qurumlarının nümayəndələri Türkiyəyə ezam olunub, repatriantların ilkin tibbi-psixoloji müayinəsi aparılıb.

Qeyd edək ki, İraq və Suriyadan Azərbaycana 380-i uşaq, 29-u qadın olmaqla ümumilikdə 409 vətəndaş repatriasiya edilib.

Qafqaz.media