Rusiyalı sərmayədarlar Azərbaycanda polimer tikinti materialları istehsalı zavodu tikməyi planlaşdırırlar
Rusiyalı sərmayədarlar Azərbaycanda polimer tikinti materialları istehsalı zavodu tikməyi planlaşdırırlar. Qafqaz.media xəbər verir ki, Rusiyanın iqtisadi inkişaf naziri Maksim Reşotnikov bu barədə Bakıda bildirib.
“Mövcud Rusiya-Azərbaycan layihələri ilə yanaşı, ilk müasir əczaçılıq zavodunun tikintisi layihəsi, Həştərxan vilayətinin müəssisələrinin gücündə gəmilərin inşası, Sankt-Peterburqdan olan müəssisənin iştirakı ilə polimer konstruksiyaların istehsalı zavodunun tikintisinin həyata keçirilməsi prosesi gedir”, deyə o vurğulayıb.
Reşotnikov Azərbaycan-Rusiya ticari-iqtisadi əməkdaşlığının ən perspektivli sahələrini də qeyd edib: “Nəqliyyat və logistika infrastrukturu məsələlərində “Şimal-Cənub” beynəlxalq dəhlizinin inkişafına üstünlük verilir. İnfrastrukturun "dar boğazları"nın aradan qaldırılması, keçid məntəqələrinin modernləşdirilməsi, razılaşdırılmış tarif siyasətinin müəyyən edilməsi halında yükdaşımaların potensial həcmi iki dəfə - 14 milyon tondan 25 milyon tona qədər arta bilər".