Rusiya Viktor Butun mübadiləsi ilə bağlı ABŞ-la danışıqları təsdiqləyib – XİN-dən AÇIQLAMA

“Moskva ümid edir ki, Rusiya və ABŞ arasında məhbus mübadiləsi perspektivi güclənir, silah alverində təqsirli bilinən Viktor But potensial mübadilə siyahısındadır”.

Qafqaz.media xəbər verir ki, bu barədə Rusiya xarici işlər nazirinin müavini Sergey Ryabkov jurnalistlərə bildirib.

Onun sözlərinə görə, ilk dəfə olaraq ABŞ və ya Rusiya rəsmiləri açıq şəkildə bəyan ediblər ki, But mübadilədə iştirak edə bilər.

ABŞ daha əvvəl amerikalı basketbolçu Britni Qrineri azad etmək üçün məhbus mübadiləsi təşkil etməyə hazır olduğunu rəsmən bəyan edib. Uralın UMMC klubunda çıxış edən basketbolçu fevral ayında, Ukrayna ilə müharibənin başlamasına az qalmış Moskvanın “Şeremetyevo” hava limanında saxlanılıb. Onun üzərində narkotik vasitələr aşkar edilib. Qreynerə qarşı narkotik qaçaqmalçılığı ittihamı irəli sürülüb. Məhkəmədə o, bu əşyaları səhvən özü ilə apardığını və Rusiya qanunlarını pozmaq niyyətində olmadığını bildirib. Avqustun 4-də Moskva vilayətinin məhkəmə onu 9 il müddətinə azadlıqdan məhrum edib.

Sovet Hərbi Hava Qüvvələrinin keçmiş zabiti But 2010-cu ildə ABŞ Narkotiklərlə Mübarizə İdarəsinin (DEA) əməliyyatından sonra Tailanddan ABŞ-a ekstradisiya edilib. O, dünyanın ən məşhur silah alverçilərindən biridir, onun həyat hekayəsi “Hollivud” filminin əsasını təşkil edib. But amerikalıları və ABŞ rəsmilərini öldürmək üçün sui-qəsddə, zenit raketlərini çatdırmaqda və terror təşkilatına kömək etməkdə təqsirli bilinərək 25 il həbs cəzası alıb. O, özünü Cənubi Amerika üsyançılarını silahlandırmaq cəhdində günahlandırılan qanuni beynəlxalq nəqliyyat biznesi ilə sadəcə bir sahibkar olduğunu iddia edib.

Qafqaz.media