ABŞ DA TÜRKİYƏYƏ DƏSTƏK TƏKLİF ETDİ - Prezident Bayden göstəriş verdi
"ABŞ fevralın 6-da səhər saatlarında Kahramanmaraş vilayətində baş vermiş dağıdıcı zəlzələnin fəsadlarının aradan qaldırılmasında Türkiyəyə hər cür kömək göstərməyə hazırdır”.
"Anadolu" agentliyi xəbər verir ki, bunu ABŞ Prezidentinin Milli Təhlükəsizlik məsələləri üzrə müşaviri Ceyk Sallivan deyib.
O qeyd edib ki, rəsmi Vaşinqton Türkiyə və Suriyada dağıdıcı zəlzələnin baş verməsi ilə bağlı dərin narahatlıq keçirir.
"Biz Türkiyəyə kömək etməyə hazırıq. Prezident Bayden ABŞ Beynəlxalq İnkişaf Agentliyinə (USAID) və federal hökumətdəki digər tərəfdaşlara zəlzələdən ən çox zərər çəkmiş şəxslərə yardım göstərilməsi üçün ABŞ-ın nə ilə kömək edə biləcəyini nəzərdən keçirməklə bağlı göstəriş verib. Biz vəziyyəti Türkiyə hökuməti ilə koordinasiyalı şəkildə yaxından izləməyə davam edəcəyik”, - Ceyk Sallivan deyib.
