Dünya milyarderləri Yeni İli burada qeyd edəcək… - ARTIQ 200 YAXTA TOPLANIB...

Dünyanın hər yerindən milyarderlər Milad və Yeni il şənlikləri öncəsi Karib hövzəsinə gəliblər. Bu ərazidəki yaxtaların sayı əvvəlki ayla müqayisədə iki dəfədən çox artıb.

Qafqaz.media bu barədə “Bloomberg”ə istinadən xəbər verir.

Agentliyin hesablamalarına görə, noyabrın sonunda adalar ərazisində 81 yaxta var idisə, indi Karib dənizində 200-dən çox yaxta toplanıb.

Onların ən böyüyü amerikalı iş adamı və “Geffen Records” şirkətinin yaradıcısı David Geffenin (“Forbes” onun sərvətini 7,7 milyard dollar qiymətləndirir) Sent Bartda lövbər salmış 138 metrlik (454 fut) “Rising Sun” superyaxtasıdır.

Ondan sonra Britaniyanın Virciniya adalarında yerləşən 117 metrlik (384 fut) “Sonsuzluq” gəlir. Agentlik onun sahibini göstərmir. Lakin bəzi mənbələrə görə, bu yaxta “Harbour Freight” zəncirinin direktoru , amerikalı milyarder Erik Şmidtə məxsusdur. Onun sərvəti 9,5 milyard dollardır.

Həmçinin Yamaykalı sahibkar, “Portland Holdings” investisiya şirkətinin rəhbəri Maykl Li-Çinin 115 metrlik “Ahpo”su (“Forbes “onun sərvətini 1,5 milyard dollar civarında qiymətləndirir) da bu yaxınlarda Sent-Kitsə gələnlər sırasındadır.

Agentlik yazır ki, "normal ildə" iş adamı Roman Abramoviç (“Forbes” onun sərvətini 6,9 milyard dollar dəyərində qiymətləndirir, Aİ sanksiyaları altındadır) “Geffenin” yaxtasının yanında Yeni il şənliyi təşkil edə bilərdi. Lakin onunla əlaqəli və ya ona məxsus olan dörd superyaxta, eləcə də digər rusiyalı iş adamlarının yaxtaları Qərbin sanksiyaları səbəbindən bütün dünyada saxlanıldığı üçün Türkiyədə qalıb.

Agentlik yazır ki, bayramlar ərəfəsində yaxtaların sayı dünyanın o biri tərəfində - Maldiv adalarında kəskin şəkildə artıb. Oradakı ən böyük yaxta 88 metrlik “Lauren L”-dir. Hansı ki, bu yaxta ukraynalı iş adamı İqor Kolomoyskiyə məxsusdur.

Qafqaz.media