Pentaqonda misli görünməmiş silkələnmə: Tramp onları qovacaq - SİYAHI HAZIRLANIR

ABŞ-ın yeni seçilmiş prezidenti Donald Trampın komandası işdən çıxarılması planlaşdırılan Pentaqon zabitlərinin siyahısını hazırlayır. Publika.az xəbər verir ki, bu barədə "Reuters" mənbələrə istinadən xəbər verib. “Bu, Pentaqonda misli görünməmiş bir silkələnmə olacaq” nəşr yazıb. Bildirilir ki, plan potensial olaraq Trampın siyasətini dəfələrlə tənqid edən ABŞ ordusunun təqaüdə çıxmış generalı Mark Millinin təyin etdikləri də daxil olmaqla, Birləşmiş Qərargah Rəisləri zabitlərinin işdən çıxarılmasını əhatə edə bilər. Yeni sistemə keçid planları ilə tanış olan mənbənin sözlərinə görə, ilk istefa verənlərdən biri ABŞ-ın Birləşmiş Qərargah Rəisləri Komitəsinin sədri, general Çarlz Braun ola bilər. Eyni zamanda, bəzi rəsmilər Ukrayna böhranı və Yaxın Şərq münaqişəsinin kəskinləşməsi fonunda Pentaqonun fəaliyyətini poza biləcəyi üçün “böyük kadr dəyişikliyinə” ehtiyac olduğuna dair şübhələrini bildiriblər.