Rusiya “Orlan-10” üçün Qərb komponentləri alır – RUSLAR SANKSİYALARDAN NECƏ YAYINIR…
Rusiyanın "Xüsusi Texnologiya Mərkəzi" (“Orlan-10” pilotsuz uçan aparatlarını istehsal edən STC) ABŞ, Çin və Rusiyadakı vasitəçilərin köməyi ilə Qərb sanksiyalarından yan keçərək müntəzəm olaraq xarici komponentlər alır.
Qafqaz.media xəbər verir ki, bu barədə faktlar “Reuters”, “Important Stories” (Rusiyada "xarici agent", sonra isə "arzuolunmaz təşkilat" kimi tanınır) və Britaniya Müdafiə Araşdırmaları İnstitutunun (RUSI) araşdırması zamanı ortaya çıxıb.
RUSI-nin məlumatına görə, “Orlans” Amerikanın “Altera & Xilinx”, “Texas Instruments”, “Microchip Technology”, “Analog Devices”, “Linear Technology”, “European STMicroelectronics” və “NXP Semiconductors”, Yaponiyanın “Renesas Electronics” və “Saito Seisakusho” şirkətlərinin hissələrindən istifadə edir. Rusiyalı ekspertlər deyir ki, müharibə ərəfəsində Rusiyada təxminən beş yüzə yaxın belə dron var idi.
STC 2016-cı ildə “elektron kəşfiyyatın aparılmasında QRU-ya yardım etdiyinə” görə ABŞ sanksiyalarına məruz qalıb. 2017-ci ildə sanksiyalar yenidən. Jurnalistlərin fikrincə, STC təkcə 2022-ci ildə QRU ilə müqavilələr çərçivəsində üç milyard rubldan çox vəsait əldə edib.
Şirkətin sahiblərindən biri müsahibəsində İHA-da xarici komponentlərdən istifadə olunduğunu etiraf edir.
Jurnalistlər STC, Rusiyanın təchizatçı “SMT-Ilogic”, Çin şirkəti “Asia Pacific Links” və Amerikanın “Ik Tech” şirkəti arasında əlaqə qurublar.
Həm Çin, həm də Amerika şirkətləri müharibənin əvvəlindən “SMT-Ilogic” vasitəsilə böyük sifarişlər alıblar. Təsadüfi deyil ki, Ukraynada vurulan “Orlan-10”da təxminən 1400 GUM3703FEBY prosessor modulu aşkarlandığı bildirilir.
Qafqaz.media
