Dünyanın ən güclü hərbi hava qüvvələri açıqlanıb – Azərbaycan neçənci sıradadır?

Dünyanın bir çox yerlərində baş verən regional və siyasi gərginlik ölkələrin hərbi qüvvələrinin, xüsusən də havadakı imkanlarının əhəmiyyətini önəmli ölçüdə artırıb. “AzPolitika” xəbər verir ki, ABŞ-nin “Global Firepower” saytı 2024-cü il üçün dünyanın ən güclü hava qüvvələrinə sahib ölkələrin siyahısını açıqlayıb. 100 ölkənin yer aldığı siyahıya ABŞ başçılıq edir. İlk üçlükdə qərarlaşan digər iki ölkə isə Rusiya və Çindir. Siyahıda Ermənistan 85-ci, Azərbaycan 59-cu, Ukrayna 33-cü, İran 22-ci, Türkiyə isə 9-cu sırada qərarlaşıb. Siyahının ilk 10-luğunda yer alan ölkələrin adlarını təqdim edirik:

1. ABŞ;

2. Rusiya;

3. Çin;

4. Hindistan;

5. Cənubi Koreya;

6. Yaponiya;

7. Pakistan;

8. Misir;

9. Türkiyə;

10. Fransa.

“AzPolitika.info”