Litvada Sosial Demokrat Partiyası parlament seçkilərində qalib gəlib

Litvada keçirilən parlament seçkilərinin ikinci turunda seçki məntəqələrinin 99%-də səslər hesablandıqdan sonra Sosial Demokrat Partiyası qalib gəlib. APA xəbər verir ki, bu barədə RİA Novosti Litvanın Baş Seçki Komissiyasının məlumatlarına istinadən məlumat yayıb. Bununla da Sosial Demokratlar 141 mandatdan 52-ni qazanıb. Qeyd edilir ki, partiya 37 birmandatlı dairədən 32-də qalib gəlib.