Ən gənc planetlərdən biri kəşf edildi

Astronomlar kainatın dərinliklərində yaşı cəmi 3 milyon olan planet aşkar ediblər. “IRAS 04125+2902 b” kimi də tanınan “TIDYE-1b” indiyə qədər müşahidə edilən ən gənc planetlərdən biridir. Publika.az xəbər verir ki, Yerin yaşı 4,5 milyard ildir. Yəni “TIDYE-1b”dən 1500 dəfə böyükdür. Bu gənc planetin kəşfi planetin formalaşmasının ilkin mərhələləri haqqında mühüm ipucuları verir. Bundan əlavə, bu xüsusi kəşf alimləri planetlərin necə yarandığına dair modellərini yenidən nəzərdən keçirməyə vadar edir. Şimali Karolina Universitetinin aspirantı və tədqiqatın aparıcı müəllifi Madyson Barber kəşfi belə qiymətləndirib: “Astronomiya kainatdakı yerimizi, haradan gəldiyimizi və hara gedə biləcəyimizi anlamağa kömək edir. “TIDYE-1b” kimi planetlərin kəşfi bizə geriyə səyahət etməyə imkan verir”. Barber və komandası NASA-nın TESS teleskopundan istifadə edərək “TIDYE-1b”ni tranzit yolu ilə kəşf ediblər. Bu üsul planetin varlığını ulduzunun qarşısından keçərkən işığı bir qədər azaltmaqla müəyyən etməyə imkan verir.