ABŞ təlimlərə qatılan Ukrayna hərbçilərinin sayını 2 dəfə artırır – HƏR AY BİR BATALYON HAZIRLANACAQ

Gələn ildən başlayaraq ABŞ Ukrayna hərbi təlim proqramını hər ay bir batalyon böyüklüyündə 600-800 nəfəri bitirmək üçün genişləndirməyi planlaşdırır.

Qafqaz.media “New York Times”-a istinadən xəbər verir ki, bu barədə anonim mənbələrdən məlumat daxil olub.

Qeyd edək ki, hazırda Pentaqon ayda 300-ə yaxın ukraynalıya təlim keçir. Təlim Almaniyada keçirilir və orada davam edəcək.

Ümumilikdə, fevral ayından bəri Pentaqon 3100 Ukrayna əsgərinə təlim keçib.

Yeni, genişləndirilmiş proqram böyük qruplarda təlimləri əhatə edəcək. Məsələn, orada artilleriyanın dəstəyi ilə piyada manevrləri həyata keçiriləcək. Bu, ordunun poliqonu və Ukrayna ordusunun təlimi üçün çoxmillətli qrupun qərargahının da yerləşdiyi Bavariyadakı Amerikanın Grafenwöhr bazasında baş verəcək.

“New York Times” mənbələri deyirlər ki, yeni proqram əsasən Lvov vilayətindəki Yavorov poliqonunda 2015-ci ildən qüvvədə olan Amerika kurrikulumini bərpa edəcək. Bu proqramı 27 min ukraynalı hərbçi tamamlayıb. Təxminən 150 amerikalı təlimatçı fevralın əvvəlində, tammiqyaslı işğalın başlamasına az qalmış Ukraynanı tərk edib.

Qafqaz.media