Rusiyanın əsir xalqları azadlığa doğru addımlayırlar

Rusiyanın qarşıdan gələn çöküşü proqnozları fonunda əsrlərlə imperiya buxovunda qalmış xalqların azadlıq ümidləri artır və sevindiricidir ki, artıq təşkliatlanma gedir. Ukraynalı diplomat, Ukraynanın ABŞ və Fransadakı keçmiş səfiri Oleq Şamşur hesab edir ki, gələcəkdə Tatarıstan və Başqırdıstan müstəqillik elan edəcəklər. Diplomat həmçinin inanır ki, Qafqaz öz Respublikalarının müstəqilliyini elan edəcək.
Xatırladaq ki, 2023-cü il yanvarın 7-də İstanbulda müstəqil İnquşetiya tərəfdarlarının qurultayı keçirilib və orada İnquş Müstəqilliyi Komitəsinin yaradılması elan edilib.
Komitə nümayəndələrinin bildirdiyinə görə, assosiasiyaya inquş millətindən olan müstəqil ictimai-siyasi xadimlər və fəallar daxildir. Eyni zamanda təşkilatçılar siyasi partiya olmadıqlarını və “cəmiyyətdə xüsusi mövqe iddiasında olmadıqlarını” vurğulayırlar.
Komitənin məqsədləri arasında İnquş cəmiyyətinin azadlıq və müstəqillik ideyası ətrafında konsolidasiyası, mədəni və dini özünəməxsusluğunun qorunub saxlanılması, müstəqil İnquş dövlətinin qurulması üçün zəmin yaradılması, həmçinin “xalqa qarşı daha ​​bir saxtakarlığın qarşısının alınması və onlara qarşı zorakılığın” yolverilməzliyi daxildir.
"Rəhbərlik seçilib, təhlükəsizlik məsələləri ilə bağlı iştirakçıların adları müvəqqəti açıqlanmır. Bəzi Qafqaz diasporları ilə qardaşlıq əsasında əməkdaşlıq var və mümkündür", deyə Komitənin mətbuat xidmətindən "Kavkaz.Realii" saytına bildirilib.
Mənbə əlavə edib ki, bu mərhələdə birlik ictimai-siyasi və informasiya işləri ilə məşğul olacaq.
Xüsusilə, İstanbulda keçirilən konqresdə iştirakçıların işğal olunmuş İnquşetiya ərazisindəki ictimai-siyasi və sosial-iqtisadi vəziyyətlə bağlı məruzələr dinlənilib. Onlar "müstəqil inquş xalqının aydın siyasi mövqeyinin müəyyənləşdirilməsinin zəruriliyi haqqında" qətnamə qəbul ediblər - bu, daha sonra ictimaiyyətə açıqlanacaq.

Qafqaz.media