Şoyqunun cəbhə bölgəsinə səfəri Rusiya ordusuna necə təsir edəcək? - UKRAYNA RƏSMİSİNDƏN AÇIQLAMA
“Rusiya Federasiyasının müdafiə naziri Sergey Şoyqunun cəbhəyə mümkün səfəri Rusiya ordusunun mənəvi-psixoloji durumu üçün müsbət deyil, mənfi cəhətdir”.
Qafqaz.media xəbər verir ki, bu fikri Ukrayna Silahlı Qüvvələrinin şərq qrupunun sözçüsü Sergey Çerevatı informasiya telemarafonunun efirində Şoyqunun Ukraynanın işğal olunmuş ərazilərinə ehtimal edilən səfərini şərh edərkən bildirib.
O qeyd edib ki, bu səfərlə bağlı məlumatların dəqiqləşdirilməsinə ehtiyac var.
“Şoyqunun o qədər cəsarətli olduğuna inanmıram. Amma bu səfəri reallaşdırsa belə, nəzərə alaq ki, o, hərbi xidmət keçmədən ordu generalının çiyin qayışlarını taxan adamdır. Bu baxımdan, onun səfəri orduya dəstəyindən daha çox, şəxsi heyətin ruhdan düşməsi olacaq", - deyə Sergey Çerevatı bildirib.
