Çexiya parlamenti Ukrayna hərbçilərinin ölkədə təlim keçməsinə icazə verdi

Çexiya parlamenti bir neçə min ukraynalı əsgərin ölkədəki “Libava” poliqonunda təlim keçməsinə səs verib.

Qafqaz.media xəbər verir ki, söhbət mexanikləşdirilmiş bölmələrdən olan 4 min Ukrayna hərbçisindən gedir. Onların hər biri dörd həftəlik kurs keçəcək və ümumilikdə beş belə kurs olacaq.

Bundan əlavə, Çexiya hərbçiləri ukraynalı əsgərlərə Aİ-nin digər ölkələrində təlim keçəcək.

Qeyd edək ki, Ukrayna hərbçiləri üçün təlimlər indi bir çox ölkələrdən - ABŞ, Avropa İttifaqı, Böyük Britaniya, Avstraliya və Yeni Zelandiyadan olan mütəxəssislər tərəfindən keçirilir.

Qafqaz.media