Ukraynadan Rusiya aerodromlarına ardıcıl hücumlar… - AMERİKA MEDİASI DETALLARI AÇIQLADI

07/12/2022 - 12:22

“Rusiya Federasiyasının Kursk, Ryazan, Saratov vilayətlərindəki aerodromlara pilotsuz təyyarə hücumları Ukrayna tərəfindən təşkil edilib”.

Qafqaz.media xəbər verir ki, bu barədə yüksək rütbəli ukraynalı məmur “The Washington Post”-a bildirib.

"Bunlar Ukrayna pilotsuz təyyarələri idi - çox uğurlu, çox effektiv zərbə endirildi", - mənbə bildirib.

“Washington Post” mənbəsi hücumun təfərrüatlarını açıqlamayıb.

Rusiya aerodromuna PUA hücumu nəticəsində 3 hərbçi ölüb - Naxçıvan TV

Xatırladaq ki, Ukrayna ilə sərhəddən bir neçə yüz kilometr aralıda yerləşən Saratov və Ryazan vilayətlərindəki aerodromlar dekabrın 5-də hücuma məruz qalıb. Ertəsi gün Kursk vilayətindəki aerodroma pilotsuz təyyarənin hücumu barədə məlumat yayılıb.

Rusiya baş verənlərə görə Ukraynanı günahlandırıb, Kiyev isə məsuliyyəti üzərinə götürməyib.

Qafqaz.media