Bu ölkənin addımları ABŞ-ı narahat edir

ABŞ-nin Hərbi Hava və Kosmik Qüvvələri gələcəkdə diqqətlərini ilk növbədə Çinə, sonra isə Rusiyaya yönəltmək niyyətindədir. Publika.az xəbər verir ki, bunu ABŞ-nin hərbi hava qüvvələri naziri Frenk Kendall deyib. O qeyd edib ki, 2021-ci ildə hazırkı vəzifəsində işə başlayanda əvvəlcə rəhbərlikdən hansı potensial hərbi münaqişələrə diqqət yetirməli olduğunu soruşub. “Cavab belə oldu: - Çin təcavüzü. Görünür, bu, bizi Rusiyanın mümkün təcavüzündən daha çox narahat edir", - nazir deyib. Onun sözlərinə görə, Hərbi Hava Qüvvələri daha çox maliyyələşdirilməsə, Çinin dominantlığı an məsələsi olacaq. Nazir vurğulayıb ki, Çin aqressiv və yenilikçi rəqibdir. Qeyd edək ki, hərbi hava qüvvələri naziri birbaşa Pentaqonun rəhbərinə hesabat verir. Nazir ABŞ Silahlı Qüvvələrinin ona həvalə olunmuş iki qolunun - Hərbi Hava Qüvvələri və Kosmik Qüvvələrin inkişafına nəzarət edir.