ÇEÇEN “TİK-TOKER” UKRAYNADA MƏHV EDİLDİ – O, Kadırovun ən yaxın adamlarından birinin oğludur / FOTO

Rusiyanın genişmiqyaslı hücumu başlayandan bəri Ukrayna Silahlı Qüvvələri artıq 110 740 işğalçını məhv edib.

Qafqaz.media “Unian”-a istinadən xəbər verir ki, müharibə zamanı çeçen lider Ramzan Kadırovun Xantı-Mansi Muxtar Dairəsindəki nümayəndəsi Cambulat Zaurayevin oğlu da məhv edilib.

Məlumata görə, 34 yaşlı Zaurayev Zaporojye vilayətində məhv edilib. “Tik-toker” olan kadırovçu könüllü kimi döyüşürdü.

Zaurayev yanvarın 3-də Çeçenistanda dəfn edilib.

Sosial şəbəkə hesabında onun Qroznı Dövlət Neft İnstitutunu bitirdiyi bildirilir. Rusiya Federasiyasının dövlət reyestrində o, "antikollektor" şirkətinin rəhbəri kimi qeyd olunub.

Qafqaz.media