Paşinyanın əleyhdarları parlament binasına çatdılar

Ermənistanın Baş naziri Nikol Paşinyanın istefasını tələb edən etirazçılar parlament binasına çata biliblər.

Publika.az xəbər verir ki, bu barədə "RİA Novosti" məlumat yayıb.

Aksiya iştirakçılarının polis tərəfindən qarşılandığı qeyd edilir. Hüquq-mühafizə orqanları etirazçıları Dimerçana küçəsinə buraxmır.

Bundan əvvəl Ermənistanın “Vətən uğrunda Tavuş” müxalifət hərəkatının lideri arxiyepiskop Baqrat Qalstanyan İrəvanın mərkəzində mitinq zamanı ölkə parlamentini hazırkı hökumətin buraxılmasını müzakirə etmək üçün iclas keçirməyə təşəbbüs göstərməyə çağırıb. O, deputatlardan iyunun 11-də müvafiq məsələyə baxmağı tələb edib. Eyni zamanda, o, tərəfdarlarına müraciət edərək, ölkə hakimiyyətinə təzyiq göstərmək üçün iyunun 10-dan növbəti 96 saat ərzində kütləvi itaətsizlik aksiyaları təşkil etməyi xahiş edib.

İyunun 9-da axşam İrəvanın Respublika Meydanında on minlərlə insanın iştirak etdiyi etiraz aksiyası başlayıb. “Vətən uğrunda Tavuş” müxalifət hərəkatı tərəfindən təşkil edilən aksiyanın məqsədi ölkənin baş naziri Nikol Paşinyanın istefası və respublikanın Azərbaycanla sərhədlərinin delimitasiyası prosesinə son qoymaqdır .