RUSİYA UKRAYNAYA 120 RAKET ATDI - Kiyevdə su və elektrik enerjisi kəsilib... / Yenilənib

29/12/2022 - 12:21

Rusiya ordusunun Ukraynanın Kiyev vilayətinə raket zərbələri endirməsi nəticəsində 3 mülki şəxs yaralanıb.

“RBK Ukraina” xəbər verir ki, bunu Kiyev şəhərinin meri Vitali Kliçko bildirib.

Onun sözlərinə görə, yaralılar xəstəxanaya yerləşdirilib.

Mer deyib ki, xilasedicilər ərazidə axtarış-xilasetmə işlərini davam etdirirlər. Bundan başqa, Kiyevdə su və elektrik enerjisi kəsilib.  

Ukrayna Prezident Ofisi rəhbərinin müşaviri Mixaylo Podolyakın sözlərinə görə, bu gün səhər saatlarından etibarən Ukraynaya 120 raket atılıb. 

***

Dekabrın 29-da səhər saatlarında Rusiya ordusu Ukraynanın müxtəlif vilayətlərinə kütləvi raket zərbələri endirib.

UNIAN xəbər verir ki, Nikolayev, Kiyev, Sumı, Jitomir və Çerniqov vilayətlərinə raketlər atılıb.

Sözügedən ərazilərdə ard-arda partlayış səsləri eşidilir.

Ərazilərdə hava hücumundan müdafiə sistemləri işə düşüb.