Xankəndində Balasanyanla Vardanyan arasında "qol güləşi" - Anonim erməni mənbələrinin etirafları...

Günlərdir davam edən ekoaksiya ilə paralel olaraq Xankəndinə "qara buludlar" kimi çökmüş cinayətkar qruplaşmanın törətdiklərinin üzərindən "sirr pərdəsi" qalxır. Qarabağda yaşayan ermənilərin hüquqlarının yerli “hakimiyyət” tərəfindən pozulması ilə bağlı dərc olunan bir sıra materiallardan sonra qondarma Araik Arutunyanın cənginə keçirdiyi “DQR Prezident Administrasiyası”ndan olan şəxs meydana çıxıb və maraqlı məlumatlar paylaşıb. Anonimlik şərti ilə o, separatçıların düşərgəsində baş verən bir sıra mühüm hadisələr barədə məlumat verməyə razılaşıb.  
Beləliklə, Araik Arutyunyanın çevrəsindən “məmurun” vəd etdiyi ifşalar.
Mənbə Vitali Balasanyanla Ruben Vardanyan arasında dərin ziddiyyətlərin olduğunu təsdiqləyib. Onun sözlərinə görə, 10 gün əvvəl Rusiya "sülhməramlı" kontingentinin  rəhbərliyi “administrasiya”ya məlumat verib ki, ekoloji fəallar Ermənistan əhalisinin gündəlik həyatı üçün lazım olan humanitar ləvazimatları keçirməyə hazırdırlar. Söhbət dərman və qidadan gedirdi.
Eyni zamanda, general Volkov ermənilərə qeyri-qanuni heç bir şeyin daşınmaması üçün əvvəlcədən verilmiş siyahıya uyğun olaraq humanitar məhsulların olduğu karvan təşkil etməyi təklif edib.
Mənbənin məlumatına görə, A.Arutyunyanla görüşdə “Təhlükəsizlik Şurasının rəhbəri” Vitali Balasanyan Volkovun təklifindən yararlanmağı təklif edib. Amma Ruben Vardanyan buna qarşı sərt çıxış edərək “bu yolla biz dünyanın diqqətini humanitar böhrana cəlb edə bilməyəcəyik” deyib. Balasanyan isə iddiaya görə etiraz edib və bildirib ki, o, “piar yox, Qarabağ xalqının rifahı”ndan narahatdır.
Mənbə əlavə edib ki, Balasanyan humanitar karvan təşkil etmək üçün Ermənistana getmək istəyəndə vəziyyət son həddə çatıb.  O, guya inadkar “həmkarını” nizam-intizamı qorumağa çağıran Vardanyanın təşəbbüsü ilə buraxılmayıb.
Məhz o zaman Balasanyan Arayiklə yüksək səslə danışaraq deyib: “Ya mən, ya da Vardanyan”, deyə mənbə əlavə edib. Mənbə əlavə edib ki, vəziyyət gərginləşib. 
Qeyd edək ki, IP-nin geolokasiya üçün yoxlanılması mənbənin, necə deyərlər, “yerdə” olduğunu təsdiqləyir. Onu da xatırlayaq ki, Balasanyan dekabrın 25-də Vardanyanın təşəbbüsü ilə Xankəndində təşkil olunmuş mitinqdə “görünməmişdi”.
Mənbə qeyd edir ki, “Laçın dəhlizinin blokadası"  "Artsax liderləri” üçün sürpriz deyildi – hələ noyabrda Azərbaycan tərəfi qətiyyətlə Dəmirli (Kaşen) monitorinq məsələsini qaldırmışdı”. 
Həmsöhbətin sözlərinə görə, separatçılar başa düşürdülər ki, bu yatağın istismarı Azərbaycan tərəfini xüsusilə narahat edir. Buna səbəb müvafiq emal gücü olmadığından hasil edilən mis filizinin torpaq qatı ilə birlikdə rayondan Ermənistana ixrac edilməsidir. İstehsal standartlarına görə, emaldan sonra onu müşayiət edən torpaq təbəqəsi ekosistemə qaytarılmalıdır. "Ancaq bunu heç kim etmədi."
Mənbənin izahatlarından belə məlum olur ki, yatağın 10 ilə yaxın istismarı ərzində Ermənistandan Qarabağa geri qaytarılmayan 30 milyon tona yaxın torpaq qatı ixrac edilib.
“Biz özümüz bu məsələni dəfələrlə qaldırmışıq”, deyən həmsöhbət qeyd edib ki, yatağı işlədən şəxs sadəcə olaraq torpaq qatının Qarabağa qaytarılmasına pul xərcləmək istəməyib. Bu cür qanunsuzluğa səbəb kimi həmsöhbət, “hamı bilirdi ki, yatağın sahibinin ciddi himayədarı var”.
Qeyd edək ki, rəsmi olaraq “Vallex group”un sahibi kimi qeyd olunan Valeri Mejlumyan əslində Ermənistanın eks-prezidenti S.Sarkisyanın uzun illər biznes tərəfdaşı olub. 
İfşalarına davam edən mənbə qeyd edib ki, Qarabağda potensial gərginliyin digər mövzusu “Kaşen” (Dəmirli) mədəninin 1500-dən çox əməkdaşının taleyi ilə bağlıdır. Həmsöhbətin sözlərinə görə, ilkin mərhələdə Azərbaycan tərəfi yalnız monitorinq nəticəsində ətraf mühitə dəymiş ziyanın qiymətləndirilməsini tələb edərək, yatağın istismarının dayandırılmasını irəli sürüb. Amma faktiki olaraq 2 həftədən artıqdır ki, Dəmirlidəki mis-molibden yatağında işlər dayandırılıb. Səbəb təkcə mis filizinin Ermənistana ixracının mümkünsüzlüyü deyil, həm də mədən süxurunun müəssisədə toplanması imkanının olmamasıdır.
“İndi işçilər qorxurlar ki, yanvar ayından sahibkar maaşları ödəməyi dayandıracaq”, deyən mənbə qeyd edib ki, Ermənistanda yataqların işlənilməsi ilə bağlı çətinliklər yaşayan "Valleks" qrupunun ilk növbədə buna bənzər presedent artıq olub, maaş verməyi dayandırılıb.
“Bəlkə ekspertlər içəri buraxılsaydı, sizinlə razılaşmaq olardı ki, sahibi cərimələnəcək, amma yataq özü işləməyə davam edəcək.Əgər Azərbaycan qarabağlıları öz vətəndaşı hesab edirsə, 1500 nəfəri bir tikə çörəkdən məhrum etməz” deyən həmsöhbət, görünür, artıq gec olduğunu anlayıb. Səbəb isə Qarabağın təbii sərvətlərinin vəhşicəsinə istismarına ekomonitorinq maneəsini ört-basdır etmək məqsədi daşıyan “blokada” ətrafında Vardanyanın təşəbbüsü ilə qaldırılan ajiotajdır.
Ola bilsin ki, anonim müraciət də Vardanyanın xaricdən gətirilən siyasi texnoloqlar komandasının hazırda fəal şəkildə həyata keçirdiyi dezinformasiya kampaniyasının bir hissəsidir. Amma bununla da görünür ki, Qarabağdakı ermənilərin əsas hissəsi separatçı elitanın siyasi ambisiyalarının qurbanıdır. Yeri gəlmişkən, Xankəndindəki qondarma qurumun başında duranlar "Base Metals" kompaniyasının rəhbərliyi ilə müştərək qərar qəbul edib ki, ekolohi ekspertiza bitənə kimi mədəndə işlər dayandırılsın. Hətta nə hikmətdirsə, erməni teleqram kanallarının verdiyi xəbərə görə, qondarma qurumun başındakılar BMT və digər beynəlxalq təşkilatlara qısa müddətdə ekoekspertizanın təşkil edilməsi üçün müraciət ediblər. 

Qafqaz.media