Penitensiar Xidmət Saakaşvilinin zəhərlənməsi ilə bağlı iddiaları rədd edir
““Empatiya” Mərkəzinin rəyinin məhkəmə tərəfindən Penitensiar Xidmətə təqdim edilən hissəsinə əsasən, məhkum Mixail Saakaşvilinin zəhərlənməsi faktı təsdiqini tapmayıb”.
Qafqaz.media xəbər verir ki, bu barədə Gürcüstan Penitensiar Xidmətinin Tibb şöbəsinin müdiri Malxaz Urtkmelidze bildirib.
Malxaz Urxmelidzenin jurnalistlərə verdiyi məlumata görə, təqdim olunan sənədlərə əsasən, Gürcüstanın üçüncü prezidenti Mixail Saakaşvilinin bədənində zəhərlənməyə səbəb ola biləcək zəhərli maddələrin miqdarı yoxdur və bütün göstəricilər normadan xeyli aşağıdır.
“Məhkəmə deyilənlərin bir hissəsini bizə verdi. Amerika laboratoriyalarından birində ("NMS Labs") həyata keçirilən analizin nəticəsində həmin maddələrin aşağı həddi göstərilir. Sonda, aşağı həddi göstərən göstəricinin yanında mövcud nəticələr göstərilir. Analizatorun minimum həddi nəticələrlə müqayisə edilir və elə bir formada nəticə çıxarılır ki, guya biz zəhərlənmə ilə məşğul oluruq”, - deyə Malxaz Urtkmelidze bildirib.
Onun sözlərinə görə, Amerika laboratoriyasının saytında həm konkret analizin minimum həddi, həm də icazə verilən norma göstərilib ki, bu da təqdim olunan sənədlərdə əksini tapmayıb.
“Tədqiqatın aparıldığı və nəticələrin məxfi olmadığı və hər kəs üçün əlçatan olduğu NMS Labs veb saytında həm minimum hədd, həm də məqbul nisbət göstərilir. Məlum oldu ki, bu laboratoriyanın özündə verilən rəqəmlər, yəni nəticələr normadan aşağıdır. Ona görə də bu sənəd Mixail Saakaşvilinin orqanizmində zəhərlənməyə səbəb ola biləcək miqdarda zəhərli maddələrin olmadığını təsdiqləyir”, - deyə tibb şöbəsinin rəhbəri bildirib.
Qafqaz.media
