Rusiyanın 2023-cü ildə hərbi xərcləri büdcənin üçdə birini təşkil edəcək – BRİTANİYA KƏŞFİYYATI
Böyük Britaniyanın Müdafiə Nazirliyinin kəşfiyyat xidməti Rusiyanın yeni federal büdcəsi ilə bağlı açıqlama yayıb.
Qafqaz.media xəbər verir ki, Britaniya kəşfiyyatı Rusiya prezidenti Vladimir Putinin dekabrın 5-də imzaladığı büdcənin xərclərini müəyyən edib.
Bildirilir ki, 2023-cü ildə ordunun, xüsusi xidmət orqanlarının və polisin ehtiyacları üçün 9 trilyon rubl (143 milyard dollar) ayrılıb. Britaniya Müdafiə Nazirliyinin analitikləri bazar günü gündəlik səhər xülasəsində deyiblər ki, bu, keçən illə müqayisədə əhəmiyyətli artım deməkdir və ümumi büdcənin təxminən 30%-ni təşkil edir.
Onlar həmçinin büdcənin xərc və gəlir hissələrini həddindən artıq optimist hesab edirlər. Belə güman edirlər ki, Ukrayna savaşının davam etdirilməsi məqsədilə vəsait toplamaq üçün büdcənin qeyri-hərbi hissələrinə təzyiqlər xeyli artacaq.
Latest Defence Intelligence update on the situation in Ukraine - 11 December 2022
Find out more about the UK government's response: https://t.co/GQkyvi03uo
🇺🇦 #StandWithUkraine 🇺🇦 pic.twitter.com/rcawU7e3qT
— Ministry of Defence 🇬🇧 (@DefenceHQ) December 11, 2022
Qafqaz.media