Anna Politkovskayanın qətlinin təşkilatçısı azadlıqda! - O, UKRAYNAYA QARŞI SAVAŞIR
Rusiyalı jurnalist Anna Politkovskayanın qətlinin təşkilində təqsirli bilinən Sergey Hacıkurbanov həbsdən vaxtından əvvəl azad edilib.
Bu barədə “Baza” Telegram kanalı xəbər verir.
Xatırladaq ki, Sergey Hacıkurbanov 2014-cü ildə 20 il həbs cəzası alıb. Rəsmi olaraq 2034-cü ildə buraxılmalı idi, lakin 2022-ci ildə Hacıkurbanov Ukraynaya döyüşməyə gedib.
Məlumata görə, Sergey Hacıkurbanov 2022-ci ilin sonunda Ukraynaya gedib. Burada kəşfiyyat idarəsinin komandiri vəzifəsini tutur.
“İnsayder” bildirir ki, o, tez-tez düşmən xəttinin arxasında fəaliyyət göstərən xüsusi kəşfiyyat tapşırıqlarının yerinə yetirilməsində fəal iştirak edib. Zamanla Hacıkurbanov batalyon komandiri rütbəsinə qədər yüksəlib. “Bu yüksək təhlükəsizlik şəraitində təsirli bir nailiyyət oldu”,- başqa bir mənbə deyib.
Altı aydan sonra Hacıkurbanov Rusiya Müdafiə Nazirliyi ilə müqaviləsini uzadıb. Lakin onun yeni vəzifəsinin təfərrüatları məlum deyil.
Xatırladaq ki, Sergey Hacıkurbanov 2007-ci ildə jurnalist Anna Politkovskayanın qətlinin təşkilində ittiham edilərək həbs edilib. 2009-cu ildə məhkəmə onu təqsirsiz hesab edib, lakin sonradan o, qəsb işində saxlanılıb və yenidən Politkovskayanın qətlinin təşkilində iştirak etməkdə ittiham olunub. Hacıkurbanov ittihamların yalnız Sergey Pavlyuçenkovun (jurnalistin qətlinin digər təşkilatçısı) ifadəsinə əsaslandığını iddia edib.
